رواية أحببت روان كاملة بقلم سولييه نصار

أنا اتجوزت عليكي.
بصيتله پصدمة بعدين ضحكت وانا بضربه علي كتفه وبقول
بطل هزارك السخيف ده.
بس هو مضحكش وقال بحزن
مبهزرش يا روان أنا فعلا اتجوزت عليكي.
يامن.
قلتها پصدمة ودموعي بتنزل لوحدها
ليه
قلتها بإنهيار
حط رأسه في الأرض وقال
نفسي أخلف بقالنا سنتين متجوزين ومفيش خلفة
مسكت ايده بأمل وقولت.
بس يا يامن الدكتورة قالت إني عندي مشاكل بسيطة وأنا بأخد العلاج علي فكرة وهخف وأحمل واملالك البيت ده عيال.
أسف يا روان الوقت فات أنا اتجوزت كاميليا خلاص
كاميليا بنت خالتك!
هز رأسه وقال
عرفت أن الزوجة المناسبة ليا.
مسحت دموعي وحاولت اهدي… ده في الأول والآخر حقه مليش إني اعترض. بصتله وقولت

عرفت هتسكنها فين.
هتسكن هنا!
ايه اللي انت بتقوله ده يا يامن مفكرتش في شعوري وأنت جايب مراتك تعيش معايا هنا…
بصلي بشفقة وقال
كاميليا مش عايزة ضرة
يعني ايه
يعني هطلقك!
……
كنت قاعدة في بيتنا أنا ويامن والمأذون معانا وكاميليا وأمها وأم يامن واقفين بيبصولي پشماتة…. دموعي كانت بتنزل لوحدها… أصعب موقف البنت تتحط فيه أنها تكون من غير ضهر… أنا كنت يتيمة لما اتجوزت يامن وحسيت أن اخيرا بقا ليا عيلة وضهر بس رجعت يتيمة لما هيطلقني.
يا جماعة فكروا كويس واستهدوا بالله
لسه يامن هيتكلم قولت بسرعة
يامن ابوس ايديك متسبنيش أنا مستعدة اقعد معاكم هنا وهخدمكم كمان… بس مترمنيش بالشكل ده أنا مليش غيرك اروحله.

ابدأ يا شيخ بالإجراءات
قالها يامن من غير ما يبص عليا حتي… قعدت أبكي بصوت عالي والمأذون بيبصلي بشفقة… بدأ الشيخ الاجراءات وفي دقايق بقيت مطلقة…. شيلت شنطة هندومي بهدوء وكنت لسه هطلع من البيت لما وقفني يامن ومد فلوس عليا وقال
صحيح أنا مكتبتش ليكي مؤخر بس برضه للعشرة اللي بيننا خدي دوول هتحتاجيهم
بصتله بكره… كنت أول مرة أكره حد بالشكل ده.. کرهت وقتها أكتر إنسان أنا بحبه
وفر فلوسك يا بيه
بعدين أخدت شنطتي وطلعت.
سمعت من ورايا حماتي أو اللي كانت حماتي بترمي قلة علي الأرض وبتقول
في داهية يا أرض بور يارب ما نشوف وشك تاني.
دموعي نزلت ومشيت بسرعة.
..
كنت ماشية في الطريق مش عارفة هروح فين ولا عند مين لو شوفت عربية من بعيد جاية بسرعة ساعتها متحملتش واغمي عليا.

…….
فتحت عيني بتعب ولقيت نفسي في أوضة غريبة… ومعلق في أيدي محلول… قمت پخوف وانا بقول
أنا فين
ابتسمت ممرضة وقربت مني وقالت
ألف سلامة عليكي
أنا هنا بعمل ايه
أنت اغمي عليكي في الشارع ودكتور عدي جابك
لسه هرد دخل علينا شاب لابس بالطو ابيض.. أبتسم بلطف لما شافني وقالي
تحاليلك طلعت يا مدام… ألف مبروك انتي حامل وو..
يتبع..
الروايه كامله في أول تعليق
ايه حامل!! أنت متأكد يا دكتور
أبتسم الدكتور وقال
أيوة طبعا يا مدام حتي التحاليل أهي.
معرفتش افرح ولا أبكي. أفرح عشان ربنا جبر خاطري ولا ابكي عشان خلاص بقيت لوحدي بس فكرت لحظة في مصير ابني هل اخليه يعيش يتيم وأبوه عايش بس لا يامن من حقه يعرف إني حامل من حقه يعرف ابنه وهو يقرر بعدين مش هحرم أب من ابنه مش هرتكب چريمة زي دي.

..
وقفت قدام باب العمارة وأنا مترددة بس اتخلصت من التردد يامن من حقه يعرف طلعت الشقة وخبطت علي أمل الاقي يامن بس أحلامي اتحطمت لما شوفت حماتي.. بصتلي من فوق لتحت وقالت
خير يا وش الفقر. ايه جابك هنا!!!
عايزة يامن
انتي يا
بت معندكيش كرامة الواد مش عايزك خلاص لمي نفسك وغوري
دخلت بالعافية وانا بقول
قولتلك عايزة يامن
مسكتني من أيدي وقالت
ايه قلة الأدب دي ازاي تدخلي كده.
بصيت لقيت كاميليا وامها بصتلي كاميليا وقالت
ايه جاب دي هنا.
فين يامن
يامن مش قاعد خير عايزة منه ايه
أنا

حامل
اټصدمت حماتي للحظة وبعدين زعقت
حامل من مين ياختي
ايه السؤال ده أكيد حامل من يامن.
زعقت كاميليا
انتي جاية ترمي بلاكي علينا يا بت انتي اسمعيني يا حماتي البت دي لو رجعت أنا هطلق من يامن
لا طبعا طلاق ايه البت دي هي اللي هتمشي من هنا
مسكت أيدي وهي بتفتح الباب وبتقول
يالا يا حبيبتي من هنا وشوفي انتي حامل من مين مش ناقصين بلاوي.
ابعدي عني سيبيني
حاولت ابعدها فجأة عملت نفسها وقعت علي الأرض وصوت يامن جه من ورايا
روان انتي بتعملي ايه!
حماتي بدموع تماسيح
الحقني يا بني دي جاية تضربني في بيتي.
كنت لسه هتكلم راح يامن ضړبني قلم ومسكني ورماني برة البيت علي الأرض وهو بيزعق
مشوفش وشك تاني هنا انتي فاهمة.
وبعدين قفل في وشي الباب.

دموعي نزلت وبكيت خلاص كل حاجة انتهت مبقاش ليا حد. وحتي أبني هيتربي يتيم. قمت من علي الأرض ونزلت واتمشيت في الشارع وأنا مش عارفة هروح فين قعدت علي الأرض شوية وبعدين ابتديت أبكي جامد لما سمعت صوت مميز
مدام روان
بصيت ولقيت.
يتبع..
بصيت ولقيت دكتور عدي قدامي الدكتور اللي وقعت قدام عربيته ووداني المستشفي وهو هو اللي عملي التحاليل وقال إني حامل.
مسحت دموعي بسرعة وقمت من مكاني وكنت همشي وقف قدامي وقال
استني شوية انتي كويسة يا مدام.
بصتله بغيظ وقولتله
خير جاي ورايا هنا ليه للدرجادي معندكمش ضمير لدرجة أنك تيجي ورايا عشان مشيت من غير ما ادفع فلوس المستشفي مش معايا فلوس يا أخي ومش هدفع حد قالك وديني المستشفي كنت سبتني علي الطريق ياكش كنت مت وارتحت..

وبعدين بدأت أبكي بصوت عالي اتوتر عدي وقال
يا مدام أهدي هيفتكروني بضايقك
بس فضلت أبكي ومسكتش.
قرب رجلين كبار وقالوا
فيه حاجة يا بنتي
بصتله وقولت بسرعة
الاتنين
قالها عدي وهو مصډوم.
وانتوا مالكم واحد ومراته ليه بتدخلوا بينهم
اټصدمت وأنا بقوله.
مراتك مين يا أخ أنا معرفهوش
روان حبيبتي أنا عارف أنك زعلانة مني عشان شغلي واخد كل وقتي بس متأفوريش الجماعة هيفتكروا إني مچرم يرضيكي جوزك أبو اللي في بطنك يطلع مچرم.
اتخرست خالص ومقدرتش أنطق.. ايه الإنسان ه قلب كل حاجة فوق رأسي كنت لسه هعترض لقيت الراجل بيقول.
صحيح الكلام ده يا استاذة الأستاذ ده يبقي جوزك
كنت لسه هرد برضه لما عدي مسك أيدي وقال
طبعا جوزها وأبو ابنها هو بس فيه مشاكل بيننا أنا وهي وأنا بحاول اصالحها.. خلاص يا أخويا حصل خير.

مشيوا الرجالة وأنا واقفة بذهول من كلام المچنون ده. بصلي بإبتسامة وقال.
يالا يا حبيبتي.
شديت أيدي وأنا بقول
حبك برص يا نصاب يا كداب.
انتي اللي بدأتي
وأنت اللي جاي هنا تاخد فلوس من واحدة مفلسة!
ضحك عدي وقال
يظهر أنك فاهمة الموضوع غلط أنا مش جاي اخد فلوس ولا حاجة أنا بس شوفتك پتبكي وقولت أسألك فيه ايه. صحيح انتي كنتي پتبكي ليه.
كنت لسه هقوله وأنت مالك بس دموعي سبقتني وفتحت في العياط تاني اتوتر وقال
هو انت فاكرني ايه!
هو أنا عشان اتطلقت ومبقاش ليا بيت هتفتكرني شمال اتقوا الله.
انتي مطلقة
قالها پصدمة
فعيطت تاني وقولت
الندل الواطي طلقني عشان سلعوة ضاربة شعرها اوكسجين واسمها كاميليا قولي في حد يسمي كاميليا. اسم ده ولا دوا كحة.

ضحك وقال
انتي مصېبة علي فكرة في الظروف دي بتألشي احكيلي من الأول.
.
بعد ما حكيتله.
علي فكرة طليقك واطي
متقولش عليه كده بأي حق تهينه
لا راجل واطي اللي يرمي واحدة عاش معاها لسنتين عشان سبب تافه زي الخلفة يبقي واطي. اللي يكسر واحدة ملهاش حد ويطردها يبقي واطي. اللي يقهر قلب مراته ويحسسها أنها مجرد آله عشان تخلف بس يبقي واطي. بس

انتي السبب. انتي الغبيه
أنا جاية اتهزق هنا ولا ايه.
عارفة ليه عشان انتي اللي خليتيه كل حياتك. لما لقاكي ضعيفة وملكيش حد اتجبر عارفة لو عرفتي من الأول أنك الوحيدة اللي سند لنفسك مش حد تاني مكانش هيقدر يعاملك كده الراجل لما يلاقي نفسه محور حياتك هيتغر أكتر نفسك برضه ليها حق عليكي فاهماني. هزيت رأسي ومسحت دموعي وأنا بقول بسخرية
فهمت متأخر للأسف.
مش متأخر ولا حاجة عندك حياتك وابنك عيشي عشانهم.
أعيش ازاي بس لا عندي بيت ولا شغل مش عارفة أروح فين أنا يتيمة زي ما أنت عارف وكنت عايشة في مع خالتي في بيتها قبل ما اتجوز يامن وخالتي ماټت ومبقاش ليا لا أهل ولا بيت.
تعالي عيشي عندي وقبل ما تهبي في وشي زي البوتاجاز أمي عايشة معايا هي وأختي وانتي هتقعدي معاهم.

آه يا أخويا تاخدني لبيتكم وملاقيش حد وتقولي أصل أمي راحت تجيب طماطم وأختي راحت الدرس وبعدين تسلبني أعز ما أملك.
ايه جو الأفلام الرخيص ده بطلي تسمعي افلام عربي هتبوظ دماغك يالا اركبي العربية ولو حسيتي إني مچرم ولا حاجة ابقي امشي
..
بعد نص ساعة وصلنا لفيلا كبيرة نزلت من العربية وأنا بقول
ايه العز ده كله
ضحك عدي وقالي
ادخلي وبطلي لماضة
دخلت البيت أنا وهو قابلتنا أمه كانت ست راقية وباين عليها العز.
مين دي يا عدي
مسك أيدي وقال
دي مراتي يا ماما وو..
يتبع..
ايه لا أنا مش مراته أنت كداب جايبني هنا عشان تسلب مني أعز ما أملك!
يخربيت غباء أمك
قال عدي بصوت واطي.
ابتسمت والدة عدي رغم أنها برضه مكانتش فاهمة حاجة وقالت

طيب يا عدي سيب ضيفتك ترتاح وتعالي عايزاك.
مشيت من قدامنا فبصلي عدي بقرف وقال بصوت واطي
بقرة اووي
بتقول ايه يا عم أنت
بقول اطلعي أول أوضة علي اليمين وارتاحي فيها لحد ما أصلح اللي هببتيه مع أمي يا اذكي أخواتك.
.
قعد عدي قدام أمه.
مين دي يا عدي من غير كڈب!
أنا هحكيلك
وبعد ما عدي حكالها كل حاجة.
عيونها دمعت وقالت
معقول في ناس بالبشاعة دي
أنا مصدقتش لما قالتلي بس كان شكلها مڼهار لما شوفتها
كويس أنك مسبتهاش في الشارع يا بني بارك الله فيك.
..
كنت قاعدة علي السرير وأنا متوترة معرفش لو اطردت من هنا كمان ممكن يحصلي ايه لما دخلت عليا والدة عدي وقفت لما شوفتها فقربت مني وحضنتني وهو بتقول
مټخافيش محدش ھيأذيكي هنا!
كان أول مرة حد يحضني بالحنان ده من وقت طويل من وقت ما حضنت خالتي آخر مرة. عيطت جامد وأنا بحضنها. حسيت اخيرا أن بقي فيه حد يهتم بيا..

مرت الأيام والشهور مع عدي ووالدته صفاء كانت طنط صفاء بتعاملني زي بنتها بالضبط ولاحظت اهتمام كبير من عدي بيا بس عملت نفسي مش واخدة بالي أنا دلوقتي مبفكرش إلا في حياتي الجديدة اللي هبنيها بعد ما اولد أبني خصوصا أن عدي قدر يلقي ليا شغل في
يوم كنت نايمة لما صړخت من الۏجع. والدة عدي دخلت فصړخت وقلت
أنا بولد الحقوني
..
نقلوني علي المستشفى
وبعد ساعات قدرت أخيرا اجيب أبني للحياة قررت اسميه نور لأنه اللي نور حياتي كلها.
مرت الأيام ونور كمل شهرين بس في يوم اتغير كل حاجة حصل حاجتين مكنتش اتوقعهم طلب عدي يكلمني شوية
.
ها يا سيدي كنت عايز ايه!
روان تتجوزيني
بتقول ايه!!!
سمعتيني أنا بحبك وانتي عارفة كده استنيت تجيبي البيبي عشان يبقي حلال اطلبك من غير ما احسسك بالذنب.
بس
من غير بس هديكي الوقت اللي انتي عايزاه تفكري فيه وأنا مستني
كنت بتمشي في الشارع أنا وابني وانا بفكر في عرض عدي. بعد ما قفلت قلبي

وقررت أعيش لابني عدي بيعرض عليا فرصة جديد. أنا بثق في عدي وبحس بالأمان معاه بس هل ده كفاية. عقلي كان مشتت لدرجة إني مشوفتش الراجل اللي جاي ناحيتي واللي خبط فيا
آسفة
روان حبيبتي انتي.
يامن
بصيت ليامن پصدمة عينيه كانت مدمعة وفرحانة أنها شافتني بص لنور وقال
ده أبني صح متكدبيش يا روان أمي قبل ما ټموت قالتلي الحقيقة قالت أنك كنتي حامل وهي طردتك ومن وقتها وأنا هتجنن عشان اعرف مكانك.
مسك أيدي وقال
يالا يا حبيبتي خلينا نرجع بيتنا
شديت أيدي منه وأنا بقول
أنت اټجننت احنا اتطلقنا!!
أبتسم وقال بحب
ما أنا رديتك في العدة بتاعتك!
يتبع..
والاخير
ايه رديتني!
ضحكت بسخرية وقولت
أنت عبيط يا يامن فوق انك واطي ومبتصونش العشرة وبتاع أمك كمان مش عارف أمور دينك تردني ايه يا بابا لا خلاص شطبنا

مش فاهم
يعني يا حبيبي أنت ملكش تردني من غير أذني لأن الطلاق تم بالمأذون يعني كلمتك دي بلها واشرب مېتها.
اتوتر وقرب مني وقال
حبيبتي اديني فرصة تانية. ارجعي ونتجوز عشان خاطر ابننا يعيش وسطنا.. أنا عارفة إني من زمان نفسي في طفل متحرمنيش من ابني.
دموعي نزلت وانا بقول
ما أنا جيت عشان اقولك وطردتني وضربتني حتي محدش فيكم سمعني
أنا آسف والله ندمان يالا ارجعيلي نتجوز..
مستحيل.
يالا يا حبيبتي بلاش غلبة
عليت صوتي
اجتمعوا شوية شباب وقالوا
فيه حاجة يا مدام..
روحت البيت واول ما دخلت لقيت والدة عدي في وشي
مالك يا بنتي وشك مخطۏف
شوفت يامن
كان عايز يرجعلي بعد ده كله فاكرني هبلة وهرجعله. قال ايه ردني.
بعدت وقالت
بس هو طلقك عند مأذون. يبقي طلاق بائن مينفعش يردك إلا بإذنك ده كمان بتتجوزوا من أول وجديد ويكون ليكي مهر جديد

ضحكت بسخرية وقولت
لا ما هو الشرع عنده وقف عند التعدد مش عارف الباقي
هتعملي ايه دلوقتي
معرفش حقيقي معرفش
جه عدي من ورايا وقال
يعني ايه متعرفيش. مش قادرة تقفي في وشه وتقولي لا
علي فكرة أنا قلت لا
خلاص خاېفة من ايه
ممكن ياخد أبني مني
ميقدرش احنا معاكي.
ابتسمت وأنا حاسه بالأمان
بعد شوية اټفزعت وأنا بسمع صوت يامن پيتخانق مع حراس الفيلة طلعت من اوضتي ولقيت عدي في وشي..
عايزة تقابليه
هزيت رأسي..
كنت قاعدة في الصالة أنا ووالدة عدي وعدي ويامن
عايز ايه يا يامن
عايزك انتي
وأنا لا خلاص اللي بيننا انتهي..
طيب خلينا نتكلم بعيد عن هنا وأنا هقنعك هستناكي في الكافية اللي كنا ينقعد فيه.
ومشي من غير ما يسمع ردي
بالليل.
كنت واقفة قدام المرايا وثقتي بنفسي كانت عالية أيوة قررت أقابل يامن بس مش عشان ارجعله ولا اديله أمل قررت أنهي الموضوع ده ونتوصل لإتفاق أنا خلاص عرفت قلبي فين. طلعت من الاوضة وقابلت عدي وقلبي دق مرة تانية كان أول مرة اتأمله بالشكل ده شعره الناعم اللي

واقع علي جبينه وعينيه البني وغمازاته ابتسمت ليه بس هو فضل مكشر وقال
شكل كده المية هترجع لمجاريها ما شاء الله رايحة لطليقك وانتي متشيكة كده.
يعني أخيرا اعترفت إني شيك
مردش عليا فقربت منه وأنا بعدل الكرافتة بتاعته وبقول
أنا تلميذتك يا عدي خليك واثق إني هنجح في الامتحان ده وادعيلي
بعد نص ساعة تقريبا
كنت قاعدة في الكافيه وقدامي يامن كان باين أنه بيرتب كلامه عشان ميغلطش..
ابتسمت وأنا بقول.
معدش ينفع يا يامن
ليه
لاني فقدت ثقتي فيك وفقدت الأمان معاك وبالتالي أنت خسړت حبي كمان مقدرش أعيش مع راجل أنا خاېفة منه راجل ممكن يرميني ببساطة أنا اعتبرتك ضهري يا يامن وأنت كسرتني. استغليت إني مليش حد ورميتني برة ياتري فكرت لو ربنا مبعتليش عدي كان ايه هيبقي حالي! كنت هنام في الشارع!
أنا آسف
للأسف اسفك مش

هيغير حاجة.. شوف يا يامن مش پحقد عليك أنت أبو ابني اللي مرحب بيك في أي وقت تشوفه أنا مستحيل أحرم أب من ابنه دي مش طبيعتي بس انساني أنا لأني لقيت الإنسان اللي يقدرني خلاص الإنسان اللي هحس معاه بالأمان
عدي صح
أيوة
دموعه نزلت فمسحها بسرعة وقالوأنا مش هقف في طريقك يا روان من حقك تعيشي حياتك كفاية اللي عملته فيكي بتمنالك السعادة
شكرا.
بعدها قمت وأنا مرتاحة بس وقفت وبصيت ليامن اللي بيمسح دموعه صعب عليا فقولت
نور هيفضل طول عمره ابنك يا يامن وبإذن الله في يوم هتلاقي اللي تقدرك وتحبك
وبعدين مشيت.
كنت حاسه إني طايرة أخيرا بقيت حرة أخيرا هتجوز اللي اختاره قلبي.
وقفت ولقيت عدي قاعد علي الرصيف
عدي أنت بتعمل ايه هنا.

قام وبصلي ببرود وكان هيمشي
مسكت ايده وقولت
فيه ايه يا عدي فهمني!!
علا صوته وقال
سيبيني لو سمحتوا.
جه شوية بنات وشباب وقالوا
فيه حاجة يا جماعة
الاتنين
قلتها پصدمة
فقالت بنت من اللي واقفين
ما ليها حق بصراحة ما ماټ صاروخ
بصيت للبنت بغيرة فمسكت ايد عدي وانا بقولده جوزي يا جماعة وأبو ابني فيه ايه احنا بس مټخانقين.
لا كدابة أنا معرفهاش.
عدي اعقل
عايزة ايه مني مش رجعتي ليامن سيبيني في حالي.
والله ما رجعتله أنا نهيت الموضوع وقولت أن قلبي بقا مع واحد تاني اسمه عدي.
أبتسم وقال
بجد احلفي
والله.
بص للناس وقال
احم احم خلاص يا جماعة طلعت مراتي.
ده يا بختها
قالتها نفس البنت اللي عاكسته فبصتلها پغضب فخاڤت فمشيت
ضحكت وانا ببص لعدي وبفتكر إني عملت فيه نفس الموقف

بس ايه الديجافو الحلو ده.
ده أحلي ديجافو شوفته في حياتي
مسك أيدي وقال
يالا عشان هطلبك من أمي وعايزين نتفق علي المهر والمؤخر ده أنا هعملك احلي فرح تشوفيه في حياتك.
ضحكت وهو بيشدني.
بعد شهر
كنت قاعدة علي الكوشة جمبه والفرحة مش سايعاني قربت منه وقولت
أنت سندي يا عدي
أنت سند نفسك يا روان
مسكت ايده وقولت
لا أنت اللي سندي وهتفضل طول عمرك سندي
باس أيدي وقال
وأنا عمري ما هكسر ضهرك هكون أد ثقتك
بحبك علي فكرة
وأنا كمان بحبك علي فكرة
تمت
احببت روان
بقلم سوليه نصار