بعد الفرح بأسبوع نزلت تحت لحماتها حياة نوح
بعد الفرح بأسبوع نزلت تحت لحماتها حياة نوح
حطيت ايدي على بوقي پصدمة وانا واقفة ورا الباب وسامعة امي بتكلم حد في الفون وبتعترف إن هي اللي كانت السبب في الحاډثة اللي حصلتلي من سنتين !!
الحاډثة اللي ماټ فيها جوزي وابني اللي كان لسة في بطني ومتولدش
انا مش قادرة اصدق ولا استوعب اللي بسمعه .. ازاي امي ممكن تعمل فيا كدا وليه !!!!
انا حتي مش قادرة اواجهها ولا أفهم اشللي حصل ده حصل ازاي و يمكن خاېفة اعرف ايه المبرر اصلا
خرجت من الطرقة ونزلت ع السلم وانا مش شايفة ولا سامعة ولا دريانه بالدنيا .. خرجت علي الجنينة بدور علي اي حاجة تفوقني من الصدمة اللي سمعتها .. اي حد يساعدني اي حد يفهمني ايه الحقيقة
وفجأة لقيت قدامي نوح ابن عمي اللي عايش معانا في نفس البيت بما إنه بيت عيلة مفتوح علي بعض
لونك مخطۏف ليه كدا
حياة بعد سكوت لحظات .. لا انا كويسة متقلقش
نوح طيب فكرتي في العرض اللي عرضته عليكي
حياة عرض ايه
نوح اني اتجوزك يا حياة
حياة هو انا مش قولتلك اني مش مستعدة اتجوز دلوقتي يانوح وبعدين ليه تتجوز واحدة أرملة وبتمر باللي انا بمر بيه انت راجل متجوزتش قبل كدا ومن حقك تتجوز بنت بنوت عادي
نوح وانا مش عايز البنت بنوت انا عايزك انتي .. وبعدين مش يمكن يكون ليا دور إني اطلعك من اللي بتقولي انك فيه دا
حياة وهتطلعني منه ازاي
نوح حياة انا أعرف عن حياتك حاجات انتي شخصيا متعرفيهاش .. وعشان كدا انا أنسب واحد ممكن يكون في حياتك دلوقتي
حياة تعرف عن حياتي حاجات !
نوح ايون زي ما سمعتي .. بس للأسف مش هقدر اقول ولا كلمة دلوقتي الا ماتبقي مراتي
حياة بتفتكر اللي سمعت امها بتقوله فوق .. و بتفكر في كل اللي فات وفي جوزها وابنها اللي ماټو ومتعرفش اذا كانت دي حاډثة بفعل فاعل ولا قضاء وقدر زي ماكانت فاكرة
وفي وسط ماهي تايهة جوا دماغها وتفكيرها
نوح حياة انتي معايا
حياة انا موافقة يا نوح
نوح باصصلها وساكت لحظات .. اللي انا سمعته ده حقيقي
حياة اه حقيقي .. مش انت عاوز تتجوزني
وانا مستعدة اتجوزك
نوح انا مش مصدق نفسي
حياة لا صدق .. ولو اني مش مرتاحة انك بتعمل كل ده لمجرد انك بتحبني وحاسه وراك سبب تاني غير ده
بس انا المهم عندي دلوقتي انك تعرفني كلللل حاجة انت عارفها بعد كتب الكتاب مباشرة وده شرطي الوحيد
نوح وانا موافق
دخلوا نوح وحياة البيت تاني وندهوا علي العيلة كلها تنزل ريسبشن الدور الأول من الفيلا
نزل وليد اخو حياة .. وبعده وفاء امها
ودي اسرة حياة لأن ابوها مټوفي
بعدهم نزل جمال عم حياة اللي هو ابو نوح ..
وبعده زينب اخت نوح بنت عم حياة وصاحبتها
وبعدهم سعد عمهم
الصغير
جمال ايه يا نوح عايز ايه
نوح عايز اقولكو اني اتفقت انا وحياة اننا هنتجوز في أقرب وقت بإذن الله
جمال نعم !!
كدا خبط لزق هي العيلة ملهاش كبير تاخد رأيه الأول ولا ايه
نوح ياحج ما حضرتك كدا كدا عارف اني عايز اتجوز حياة من بدري اوي من ساعة ما جوزها ماټ وكنت مستني موافقتها .. وهي لسة موافقة حالا اهو
وفاء ام حياة تعبيرات وشها كلها بتتغير !
زينب اخت نوح بتجري تقف جنب حياة بفرحة دا احللللي قرار اخدتوه اقسم بالله
حياة وعينيها مليانه حزن وتوهة
وهي بتبص علي وفاء امها
وليد اخو حياة طب مش المفروض كنتو تعرفوني الاول قبل مااعرف زيي زي بقيت
الناس كدا .. ده انا اخو العروسة وابن عم العريس وصاحبه الانتيم يعني
نوح حقك عليا يااخويا والله انا لسة عارف حالا وداخل اقولكو اهو
وليد عموما ياصاحبي انا مش هلاقي احسن منك يتجوز اختي .. مبروك عليكم مقدما
جمال تمام خير البر عاجله .. آخر الأسبوع كويس
حياة بتلف وشها وبتبص لوفاء امها اللي ساكتة تماما من ساعة ما نزلت
جمال ايه رأيك يا وفاء ماتتكلمي
وفاء انا مش موافقة على الجوازة دي
كلهم بصولها بصة ذهول !!!!!
اتحركت حياة من مكانها وراحت وقفت قدام امها
البارت الثاني التفاعل وحش ليه.
حياة_نوح
اتحركت حياة ووقفت قدام امها
حياة ممكن أعرف ايه السبب اللي يخليكي ترفضي جوازي من
نوح
وفاء مفيش أسباب انا شايفاكو مش مناسبين وخلصنا
حياة تمام انا آسفة ياماما .. انا هتجوز نوح
وفاء انتي بتعارضيني وبترفضي كلامي !!
حياة لو كان عندك سبب صريح ومباشر كنتي قولتيه .. بس انا مبقتش صغيرة عشان اوقف حياتي من غير سبب
انا لسة عندي 25 سنة والحياة قدامي ونوح أنسب واحد اتجوزه
نوح بيلف وشه وبيبص على وفاء بنظرة مش مفهومة
جمال انا معرفش ايه السبب اللي يخليكي ترفضي جوازة زي دي يا وفاء بس اللي انا شايفه انك المفروض تعيدي تفكيرك في الموضوع
انا مش قاصد ألغي شخصيتك ك أم العروسة بس انا عمها وولي أمرها ومكان ابوها الله يرحمه .. الفرح آخر الاسبوع بإذن الله علي معادنا
قال الكلمتين دول وطلع علي اوضته
وفاء حياة انتي لو اتجوزتي الجوازة دي انا قلبي هيبقي ڠضبان عليكي ل يوم الدين
حياة باصة في الأرض وساكتة خالص ..
نوح بعد اذنك يا مرات عمي .. انا ماصدقت حياة توافق تتجوزني ومش عايز اي حد يأثر علي قرارها
بعد اذنك
سعد عمهم الصغير وانت شايف ان القرار ده مدروس كويس يا نوح
نوح اه ياعمي مدروس كويس جدااا
حياة انا هطلع اريح في اوضتي شوية ..
طلعت حياة علي اوضتها .. فتحت الباب ودخلت وقفلت علي نفسها .. بدأت تمشي خطوات في اتجاه التسريحة .. وقفت قدام المراية وبصت لنفسها
فكت شعرها الاسود الطويل .. حطت ايديها علي بشرتها الناعمة
وبصت علي عيونها اللي مازالت بلمعانها
وفي خيالها كوبليه لا دي ملامحي ولا شكلي شكلي ولا ده انا
حياة مين اللي في المراية دي
دي حياة اللي بتحب عيلتها نفر نفر ولا حياة اللي شاكة في امها انها قټلت جوزها وابنها
دي حياة خريجة علم النفس اللي بتفهم في الدنيا ولا دي حياة اللي مش فاهمة اي حاجة في حياتها
دي حياة مرات دكتور معتز اللي كل الناس بتحترمه ولا دي حياة اللي رايحة تتجوز واحد بعده عشان تعرف هو ماټ ازاي اصلا وسقطت في ابنه ازاي
وازاي انا قعدت طول حياتي أدرس علم نفس ومقدرتش أفهم إن أمي ممكن تكون سبب في كل اللي حصلي
عموما كلها كام يوم وهفهم كل حاجة
لمت شعرها تاني وبتلف عشان تخرج من الاوضة سمعت صوت حاجة وقعت في البلكونة بتاعتها .. لفت ورجعت تاني فتحت البلكونة..
لقت دبدوب صغنن بتاع طفل واقع في الأرض
مسكت الدبدوب في ايديها وبصتله باستغراب !!
بصت حواليها في كل مكان تشوف ده واقع منين او جاي منين وهما اصلا بيت 3 ادوار بتاعهم وحواليه سور يعني مفيش حواليهم بلاكونات ..
وهي ماسكاه
في ايديها مستغربة زينب دخلت من وراها
زينب عروستناااا
ايه اللي في ايدك ده هو لحق جابلك هدايا
حياة هدايا ايه يازينب الدبدوب ده لسة واقع في البلكونة دلوقتي معرفش بتاع مين
زينب اهااا .. خلاص تلاقيه اتحدف غلط من هنا ولا هنا متشغليش
بالك يعني
حياة على رأيك .. المهم تعالي نقعد
راحو قعدوا ع السرير
زينب طلعتي بتخبي عليا اهو وبتفكري من ورايا
طب مش تفرحيني معاكي يا حيوانة ده انا بقالي سنتين ريقي نشف وانا بقنعك تتجوزي نوح اخويا
حياة مكانش قصدي اخبي ولا نيلة هي جت كدا
زينب بس انا مش عارفة ليه حاسه ان فيه سبب خلاكي تعملي كدا .. ماهو مش معقول بعد الرفض الفظيع ده توافقي وتبقي مصممة علي قرارك بالشكل ده
وكمان اللي مستغرباه اكتر موقف ابلة وفاء اللي رافضة الجوازة دي تماما كأن نوح واكل اكلها ولا حاجة
حياة هو فعلا فيه موضوع وسبب خلاني أعمل كدا وانا مش هلاقي اامن منك احكيله حاجة زي دي
زينب بتربع رجلها طب ساكتة كل ده ليه احكي احكي
نوح ووليد قاعدين بيشربوا قهوة
نوح اوعي تكون زعلت مني ياسطا انت عارف غلاوتك عندي .. ده هي اللي فاجئتني لما وافقت
وليد يابني عادي ولا يهمك المهم إننا هنفرح بيكو اهو خلاص
ناوي علي ايه الايام الجايه بس
نوح ناوي بما إننا هنعمل كتب الكتاب ع الضيق ومش هنعمل فرح نعوض في الاوضة بتاعتنا
بكرا بإذن الله هجيب الناس بتوع الديكورات يظبطوا الاوضة ويعملوها على أعلي مستوى .. عايزها تكون أقرب ما يكون لشقتها القديمة بتاعة معتز
وليد على الله .. ومتشيلش هم الشركة اليومين دول
انا هظبط كل حاجة علي
مانت تخلص اللي وراك
في اوضة حياة
زينب انتي بتقولي ايه يا حياة !!!
الكلام اللي بتقوليه ده يودي في داهية يابنتي
اكيد كان بيتهيألك او سمعتي غلط
حياة لو كان عندي شك 1٪ إن اللي سمعته مش حقيقي مكنتش حطيت نفسي في الموقف ده واتجوزت اخوكي مخصوص عشان أعرف حقيقة الموضوع وانا لسة بحب جوزي الله يرحمه
زينب وطي التكييف ده عشان سقعت
بټضرب كف علي كف طب وابلة وفاء ليه هتعمل كدا وايه مصلحتها بس انا هتجنن
حياة معرفش يازينب والله
وهما بيتكلموا لقوا وفاء بتخبط ع الباب وداخلة
زينب طيب انا هروح انام بقي يا حياة عشان عندي جامعة الصبح تصبحي علي خير
حياة وانتي من أهله
خرجت زينب ولفت وفاء وشها بصت ل حياة
حياة خير ياماما اتفضلي
وفاء كبرتي واتعلمتي تعاندي امك يا حياة
حياة ماما بليز والنبي مش هنحرق تاني في نفس الموضوع احنا خلاص قولنا كتب الكتاب آخر الاسبوع
وفاء حياة انتي مش هينفع تتجوزيه
حياة وده ليه بقي
وفاء من غير لييييه اسمعي كلامي مش هينفع تتجوزيه
حياة قوليلي السبب الاول وانا هعمل اللي انتي عايزاه
وفاء طيب انا قولت اللي عندي وخلصت ضميري
حياة ماما هو انتي عارفة حاجة انا معرفهاش
وفاء بتوتر حاجة زي ايه يعني
حياة بتركز في عيون امها وفي تعبيرات وشها
حياة حاجة تخص الحاډثة مثلا !
وفاء انا معرفش انتي بتتكلمي عن ايه عموما انا نصحتك ك أم انك مينفعش تتجوزي نوح وعملت اللي عليا .. وهحذرك المرة الأخيرة يلا تصبحي علي خير
رمتلها الكلمتين دول وخرجت من الاوضة بسرعة وقفلت الباب وهي خارجة .. مشيت في الطرقة وهي بتبص وراها وقدامها .. وفجأة حد من العيلة شد ايديها وډخلها اوضة من الاوض
ياترى الحد ده مين
حياة قعدت ع السرير وسرحت مع نفسها
في اللي حصل
حياة ماما كانت تقدر تقول اي حاجة تمحي الشك اللي جوايا ناحيتها واللي لسة مش عارفه سببه او مصدره بس هي معملتش حاجة .. وكلامها زي ماتكون عاوزة تشككني فيها اكتر
طريقتها فيها حاجة غامضة ومش مفهومة بس عموما يا خبر بفلوس بكره يبقي ببلاش
طفت حياة النور واتسطحت ع السرير عشان تنام وقبل ما
تغمض عينيها
مسكت الفون وطلعت سورة الملك عشان تقراها مرة ليها ومرة لجوزها وابنها الله يرحمهم زي ما بتعمل كل يوم قبل ما تنام
الساعة 3 الفجر وفي وسط ما البيت كله نايم …
صحيت حياة من النوم على كابوس يوم الحاډثة زي كل يوم .. حطت ايديها ع الكومود جنبها ملقتش ماية نورت النور وقامت عشان تنزل تجيب ماية من المطبخ في الدور التاني
دخلت المطبخ فتحت التلاجة جابت ازازة ماية وقفلتها تاني ولسة بتلف عشان تخرج من المطبخ سمعت حد بيصرررررخ بعلو صوته من الدور الأول ومن قوة الصوت اټفزعت وازازة الماية وقعت في الارض اتكسرت 50 حتة
دقات
قلبها زادت جدااا ونزلت تجري علي تحت عشان تشوف مين اللي پيصرخ وليه
البارت الثالث الرابع.
حياة_نوح
ولسة حياة بتلف عشان تخرج من المطبخ سمعت حد بيصرررررخ بعلو صوته من الدور الأول ومن قوة الصوت اټفزعت وازازة الماية وقعت في الارض اتكسرت 50 حتة
دقات قلبها زادت جدااا ونزلت تجري علي تحت عشان تشوف مين اللي پيصرخ وليه
نزلت تجري ع السلم وانفاسها بتسبق خطواتها وقلبها هيقف من الخۏف
علي ما وصلت تحت كانت العيلة كلها صحيت ونزلوا جري
زينب واقفة في نص الصالة ايديها غرقانة ډم ومېتة من العياط وبتترعش
حياة بتحط ايديها علي بوقها من الصدمة
نوح بيجري عليها وبيمسك ايديها اااايه ده !!! مين عمل فيكي كداااا
زينب بټعيط وبتتشحتف وبتشاور بايديها علي برا انا ك …. كن…
وليد بس بس اهدي طيب متتكلميش وانتي مېتة م العياط كدا احنا لازم نطهر الچرح ده الاول
حياة بتجري تجيب علبة الإسعافات وبيمسحوا الډم ويطهروا الچرح نوح ووليد وحياة
جمال اهدي بقي واحكيلنا ايه اللي حصل
زينب بتمسح دموعها وبتتمالك نفسها انا صحيت ادخل الحمام .. بعد ما خرجت سمعت صوت جاي من الطرقة استغربت لأن كلكو في الوقت ده بتكونو نايمين
خرجت ورا الصوت حسيته عمال يبعد نزلت وراه والبيت اصلا ضلمة ومش شايفة حاجة
حياة يابنتي انا اللي كنت صاحية ونزلت اجيب ماية فيه ايه
زينب ماهو مش ده
بس اللي حصل يا حيااااة
وليد اومال ايه اللي حصل احكي
زينب اللي حصل ان وانا واقفة في الصالة مكان مانتو شوفتوني فجأة لقيت حد جاي من ورايا كتم نفسي وجنب ودني وبصوت وااااااطي يكاد يكون بيوشوشني
قولي لاخوكي وخطيبته الف مبروك
وانا هسيبلهم العلامة دي ك مباركة على الفرح
وكان معاه آلة حادة راح معورني بيها في ايدي وخرج يجري ملحقتش امسكه ولا اعرف راح فين اصلااا
وليد خليكو هنا انا هخرج أسأل البواب مين دخل وخرج واشوف ايه اللي بيحصل
نوح لزينب طب صوته كان شبه صوت مين او ريحته او طوله اي حاجة
زينب معرففففش يانوح الدنيا كانت ضلمة وهو صوته كان واطي جدااااا كنت سمعاه بالعافيه ومرعوووبة
نوح اهدي بس اهدي احنا كلنا معاكي اهو ياحبيبتي مټخافيش
حياة واقفة مصډومة ومش قادرة تفكر هو مين الشخص اللي هيبعتلهم تذكار بعلامة زي دي !!
وفاء واقفة تبص حواليها ووشها اصفر
جمال احنا لازم نأمن الجنينة كويس اوي يا نوح عشان كدا فيه حاجة ليه
مزاج يلعب معانا شوية
حياة قومي يازينب تعالي باتي معايا في اوضتي
اخدتها حياة وطلعت بيها علي اوضتها يكملوا نوم
تاني يوم الصبح
حياة نزلت الجنينة ومعاها عشان تسقي الورد اللي هي زرعاه .. سقت اول حوض .. سقت تاني حوض
وعند تالت حوض بتبض جنبها لقت وجواها لبن
مسكت حياة البيبرونة وجست اللبن لقيته لسة سخن !!
حياة البيبرونة دي بتاعة مين
ومين جابها هنا معنى ان اللبن لسة سخن يبقي حد لسة حاططها
حالا
حياة بتنده بصوت عالي ياعم محمد .. عم محمددددددد
عم محمد نعم يااستاذة
حياة انت اللي دخلت دي هنا
عم محمد لا والله ولا شوفتها اصلا
حياة يعني ايه الكلام ده .. امبارح الاقي في بلكونتي دبدوب وبالليل زينب يحصلها اللي حصل ودلوقتي بيبرونة مجهولة الهوية
احنا لا عندنا خدم ولا حشم ولا ناس كتير رايحة جاية يعني ومفيش غيرك طب ايه اللي بيحصل
عم محمد اهدي بس يااستاذة حياه انا هقلب الدنيا لحد ماافهم ايه اللي بيحصل والله
بعد ساعة ونص
كلهم علي السفرة بيفطروا
جمال زينب بقيتي عامله ايه دلوقتي
زينب الحمدلله يابابا .. حياة فضلت جنبي طول الليل مسابتنيش
جمال ربنا يخليكو لبعض وصلت لحاجة لما خرجت يا وليد
وليد ولا الهوا .. والبواب بيقولي ان محدش دخل ولا خرج من باب الفيلا اصلا
جمال اومال مين اللي عمل كدا يعني عفريت !!!
نوح خلاص ياحج متشيلش هم انا هشوف الحوار ده
المهم ياحياة انا جبت الناس بدأوا شغل في الاوضة اللي فوق .. اللي كان نفسك تنقلي فيها من زمان
عايزك تبقي تطلعي تقوليلهم كل حاجة عاوزاها تتعمل بالتفصيل وملكيش دعوة بالتكاليف انا مظبط كل حاجة
وفاء بترمي المعلقة من ايديها
نوح بيبص لوفاء ..
وبيرجع تاني يبص لحياة تمام
حياة خليهم يعملو اللي يعملوه يا نوح مش هتفرق كدا كدا
جمال لا ازاي بقي .. انتي عروسة و لازم تختاري كل حاجة بنفسك
وليد ماما انا فيه سؤال مجنني عايز اسألهولك في حضور كل الناس كدا عشان انا وانتي لو اتكلمنا لوحدنا هنتخانق كالعادة
وفاء اتفضل انت كمان عايز ايه
وليد البنك بعتولي ماسدج إن فيه 150 الف اتسحبوا من كام يوم من الحساب بتاعنا انا وانتي وحياة
انا مسحبتهومش وحياة اكدتلي انها حتي محتاجتش فلوس عشان تسحب .. يعني كدا انتي اللي سحبتي
وفاء ايوة فين السؤال بردو مفهمتش
وليد السؤال واضح ياامي .. سحبتي 150 الف تعملي بيهم ايه
وفاء جرا ايه يا وليد انت هتحاسبني باخد ايه وبحط ايه دي فلوس أبوك الله يرحمه وسايبهالنا كلنا مش بتاعتك لوحدك
وليد وعشان هي فلوس ابويا اللي مش بتاعتي لوحدي فانا بسأل المبلغ ده كله راح فين .. الفلوس دي هي اللي هتأمن مستقبلك انتي واختي انا لو عليا راجل وهعرف اتصرف
حياة باصة لامها وساكتة …
وفاء احتاجتهم ياوليد وسحبتهم ايه الموضوع كبير اوي كدا
جمال لا ياوفاء هو ميقصدش ان الموضوع كبير بس احنا مش من أعيان البلد عشان نسحب 150 الف مرة واحدة احنا اه عايشين كويس في بيت كويس وبنلبس كويس بس في الآخر ربنا هو اللي ساترنا ومينفعش نبذر في القرشين اللي ساترنا لحد ما يخلصوا
وفاء بتبلع ريقها تمام ياجماعة انا واحدة
صحبتي من زمان حصلها أزمة واحتاجت المبلغ ده
ضروري وكان لازم أقف جنبها
حياة بتربع ايديها وبتركز مع ريأكشن وفاء
وليد بس احنا مسمعناش عن صحبتك دي قبل كدا ياماما
وفاء بصوت عالي جرا ايهههه ياوليد هو تحقيق
سديت نفسي عن الاكل والله ما هفطر الف هنا ليكو
كلكو
قامت من ع السفرة وزقت الكرسي
جمال بيبص لنوح وحياة عايزكو تروحو في أقرب وقت تعملوا تحاليل قبل الجواز دي عشان كل حاجة تبقي جاهزة
نوح تمام ياحج
حياة انا هقوم بقي عشان ورايا حاجات كتير عايزة اعملها
طلعت حياة اوضتها وفتحت الدولاب اللي حاطة فيه كل الأوراق والحاجات الخاصة بيها .. وبدأت تجهز في الحاجات اللي تخص الجواز
وهي شغالة الفون ادى ماسدچ
سابت اللي في ايديها وراحت مسكت الفون فتحته
ماسدچ ع الواتس اب من رقم غريب
معقول لحد دلوقتي قلبك مدقش ولا حسيتي
إن فيه حاجة ضايعة منك .. أو حد !!
حياة ماسكة الفون وباصة للرسالة باستغراب وهي مش فاهمة اي حاجة !!!
ردت علي الرسالة
مين اللي بيتكلم
وتقصد ايه بالكلام ده اصلا !!
بس الرسالة موصلتش .. حاولت تتصل بالرقم الخط اتقفل
بدأت تعمل flash back وتفتكر الدبدوب والبيبرونة والحاجات اللي بتحصل بقالها كام يوم
حياة يعني ايه الكلام ده
يعني انا إبني ممكن يطلع عايش !!!!!!!!!!
وبعد لحظات في ذهول ونفس داخل خارج بسرعة البرق وقلب بيدق
حياة مستحيل .. انا إبني ماټ لما سقطت يوم الحاډثة !
بس كل اللي بيحصل معايا ده معناه ايه بردو انا مش فاهمة
انا لازم اروح المستشفي تاني واسأل نفس الدكتور عن كل حاجة تخص الحاډثة
لبست حياة هدومها ونزلت تجري علي تحت ووقفت قدام البيت تطلب اوبر عشان تروح المستشفي .. نوح خارج من البيت لقاها واقفة
نوح علي فين كدا يا حياة
حياة رايحة مشوار
نوح أيوة مشوار فين يعني
حياة اهو مشوار وخلاص هو انت هتتحكم فيا من دلوقتي!
نوح بيجز علي سنانه وبيرفع حواجبه وهو بيبص في الأرض
وبعدين مشي ايده على وشه واستجمع أعصابه تاني
نوح طيب ياحياة انا هعيدلك السؤال بصيغة مختلفة .. فهميني انتي رايحة فين ومستعجلة اوي كدا عشان لو فيه مشكلة أقدر أساعدك فيها
حياة بتتلفت وبتبصله لو قولتلي انت الأول تعرف ايه عن الحاډثة وعن جوزي وابني الله يرحمهم هقولك انا رايحة فين
نوح وانا قولتلك مش هقول ولا كلمة إلا ما يتكتب كتابنا ويتقفل علينا باب
حياة طيب وانا قولت اللي عندي عن اذنك
عربية اوبر وصلت ركبت فيها ومشيت
في المستشفي
الدكتور أقدر أساعدك ازاي يامدام حياة
حياة انا عملت حاډثة من سنتين واكيد حضرتك فاكر
بتبلع ريقها واكيد فاكر بردو ان جوزي ماټ وانا حصلي إجهاض والبيبي كان في الشهر التامن
الدكتور بيتوتر وبيبص حواليه اه حصل .. حضرتك بتسألي ليه بعد المدة دي كلها
حياة انا عايزة اشوف التقرير بتاع الحاډثة دي
الدكتور الحاډثة من سنتين يعني صعب جدااا تلاقي التقرير دلوقتي زمانه نزل الارشيف ..
بس فهميني ليه بتسألي
حياة فيه أحداث بتحصل الأيام دي وكلها معناها ان فيه حاجة تخص طفل صغير انا معرفهاش .. وانا مفيش في حياتي اي اطفال غير ابني الله يرحمه
وانت الوحيد اللي هتعرف تساعدني
الدكتور بيمسح عرقه لا حضرتك اكيد غلطانه مفيش اي حاجة من دي
حياة طيب بص يادكتور
انا مش جاهلة ولا هبله .. وانا شايفة من توتر حضرتك وتعبيراتك إن فيه حاجة مش مظبوطة
الدكتور لا هو اللي حضرتك شايفاه اني مرهق من الشغل يامدام حياة انا شغال في مستشفي ليل نهار حوادث وطوارئ يعني مش بلعب
لكن بالنسبة لابنك ف هو الله يرحمه زمانه بيلعب مع الملايكة في الجنة مش اكتر ولا أقل وشيلي اي حاجة تخص الموضوع ده من دماغك .. عن اذنك
سابها ومشي .. خرجت حياة على برا وهي حاسه الدنيا بتلف بيها
مش قادرة تفهم حاجة ولا حتي عارفه تجمع
خيوط الأحداث اللي بتحصل ..
تايهة بين حزنها علي ابنها وجوزها اللي لسة نارهم في قلبها مبردتش وبين شكها في امها ودي حاجة ميتحملهاش بني آدم وبين جوازها اللي كمان 3 أيام من واحد مبتحبوش!
وبين كل التوهة دي فجأة حد جه من وراها وضربها بحاجة على دماغها وقعت فقدت الوعي تماما
……يتبع
اول ما البارت ده يعدي 1500 كومنت هنزل البارت الرابع
البارت الرابع
حياة_نوح
وبين كل التوهة
دي فجأة حد جه من ورا حياة وضربها بحاجة على دماغها وقعت فقدت الوعي تماما
وبعد ساعة مجهولة تماما بالنسبالنا
حياة بتبدأ تفوق .. بتحس
بۏجع فظيع في دماغها وبتحط ايديها عليها وهي بتفتح عينها
حياة بتتفزع وبتبص حواليها .. لقت اوضة كبييييييرة مليانه كراكيب ومقفلة من كل الجهات بحيطان صاج ناشفة جداا
حياة بتبص حواليها پخوف ايه ده انا فين !!!
ايه المكان الغريب دهههه
دموعها بتنزل وبتحط ايديها على بوقها ونبضات قلبها بتزيد
مين اللي هناااااااا .. بتجري ع البيبان وبتحط تدب عليها
اللي برا يفتحلللللي بتجري ع الحيطان الصاج وبتدب وصوت تخبيطها بيرن في المكان
لحد ما فجأة وسط القلق اللي هي عملاه سمعت صوت طفل بيعيط .. وقفت تخبيط وثبتت مكانها
حياة ايه الصوت ده !
صوت عياط الطفل بيعلى
بتبص حواليها في كل مكان وبتحط ايديها على قلبها
حياة ياربي مين العيل اللي بيعيط دااااا
بدأت تمشي واحدة واحدة وتبص في كل مكان وتحت اي حاجة وتدور على البيبي اللي سامعة صوت بيعيط وتقف لحظات تسمع الصوت جاي منين وتحاول تمشي وراه
ودماغها تودي وتجيب ياترى مين البيبي ده وليه بيعيط كدا ومين اللي خاطڤها وبيعمل فيها كدا اصلا
وتدور علي الصوت وصوت البيبي يعلى .. لحد ما فجأة رفعت مسند وبتبص تحته
لقت سماعه طالع منها صوت البيبي اللي بيعيط
واول ما مسكت السماعه في ايديها الصوت سكت .. رزعت السماعة في الأرض .. يعني ايه يعني
ايه اللي بيحصل دههههه ..
وهي بتلف عينيها شافت كاميرا مراقبة في زاوية من الزوايا .. راحت وقفت قدامها
انا معرفش انت مين اللي بتلاعبني بس لو انت راجل اطلعلي ولو انتي ست اظهري قدامي متبقيش جباااانه .. حرام عليكوووو انا مش حمل تعب اعصااااااااب
وهي بتتكلم فجأة لقت السماعة اللي قدامها طالع منها صوت عااااالي جدا لدرجة انها اتخضت وبعدت بعيد عنها
ازيك يا حياة ..
أولا عشان متحيريش نفسك كتير انا راجل مش ست وعندي إستعداد أظهر قدامك دلوقتي حالا بس انا مش هظهر ومغير صوتي ببرنامج كمان عشان مليش مزاج اعرفك انا مين دلوقتي او زي ما تقولي مش دي خطتي .
انا جبتك لحد هنا عشان أعرفك اتواصل معاكي واوصلك رسالة تخرم ودانك عشان ابقي قدام ضميري نبهتك
اللي انتي بتدوري عليه مش هتلاقي في نهاية الطريق اللي انتي ماشياه يا حياة .. انتي ماشية في الطريق الغلط وبتضيعي وقتك ع الفاضي واخرتها هتفضحي نفسك بنفسك قدام كل الناس .. حطي عقلك في راسك يا بنت الناس وركزي كويس لو مش عشان نفسك يبقي عشان ااااا إبنك
حياة بتبرق
ههههه الله يرحمه طبعا
نسيت اقولك .. انتي هتكملي معانا اليوم النهاردة عشان تبقي قدام عيني كدا وبإذن الله بكرا اول ما تصحي هتلاقي الباب مفتوح
يلا يا قمر خلي بالك من نفسك لحد ما نتقابل .. واليوم ده قرب اوووووي خلي بالك
وفجأة الصوت سكت ..
حياة وقفت لحظات باصة قدامها و في توهة فظيعة وكأنها لسة داخله حياتها جديد !
مين اللي
كان بيتكلم وعايز مني ايه ايه الطريق الغلط اللي انا ماشياه وفين الصح ! انا إبني عايش ولا مېت
ولو عايش هيعيش ازاي وهو مدفون جنب ابوه اصلا !!
طب انا مين اللي خاطفني وايه نوع العداوة اللي بيني وبينه اصلا عشان يخطفني
ويعني ايه مش هيخرجني النهاردة كمان ! يعني انا هبات يوم كامل في المخروبة دي ولوحدي !
وهي بتتكلم فجأة حست بخبط ورزع الباب من برا وكأن حد بيحاول يدخلها .. يرزع في الباب ده شوية ويحاول يفتحه ويسيبه ويروح للباب ده ويحاول فيه
وحياة واقفة ساكتة مبتحاولش تعمل اي نشاطات ومستنية تشوف اللي برا هيعمل ايه
فضل يدب هنا
وهنا .. لحد ما الصوت سكت شوية حلوين .. وفجأة لقت حد ماسك شنيور وبيحاول يقطع في الصاج ده لحد ما قدر يفتح باب من الأبواب ودخل
وطلع الشخص ده نوح
جري عليها ومسكها من دراعاتها الاتنين
نوح بلهفة انتي كويسة حد اذاكي
حياة اتكلمي انتي كويييييسة !!!!! مين اللي عمل فيكي كدا
حياة بتنزل ايده من علي دراعاتها وبتزقه بعيد بعزم ما فيها
نوح پصدمة ايه ده مالك في ايه يا حياة !!
حياة انت بتخطفني يا نوح
عايز تعمل حتة
صاسبنس صح !
نوح صاسبنس !
بيقرب عليها ايه الهبل اللي بتقوليه ده
حياة بزعيق
ابعدددد يا نوح متقربش اكتر من كدا
انت اللي خطفتني وعملت الفيلم ده كللللله وعيشتني كام ساعة ړعب عشان في الآخر تيجي تنقذني وتبقي البطل اللي أنقذ البطلة صح
متعرفش اني أذكى من كدا بكتير
نوح بيضحك وعمالة تقولي علم نفس وعلم بتنجان وبفهم الناس من نظره
انا آسف في الكلمة يعني بس انتي طلعتي عايشة في السبانخ
حياة سبانخ ايه وبتنجان ايه انت فاكر نفسك هتضحك عليا بالكلمتين دول
ابسط حاجة خاااالص .. انت عرفت مكاني ازاي وعرفت تيجي ازاي وجاي عامل حسابك في شنيور شميت علي ضهر ايدك اني محپوسة في اوضة صاج صح !
نوح اممممم
واضح ان أعصابك تعبانه
يلا ياحياة نروح البيت انتي محتاجة ترتاحي
حياة شوفت بتهرب من الكلام ازاي !!!
عملتلك ايه يا نوح عشان تعمل فيا كدا وتلعب باعصابي بالمنظر ده .. ياشيخ منك لله
نوح بيحاول يمسك اعصابه وميتنرفزش
نوح طب يلا يا حياة بعد اذنك نروح البيت
حياة وانا بقولك مش هروح معااااااك
انا هخرج لوحدي وهروح لوحدي ولو قربتلي هصوت والم عليك الناس
بتلف عشان تمشي
نوح اتحول فجأة حواجبه اترفعت وعينه احمرت وشدها من دراعها وهي ماشية ومسكها جامد
نوح بصوت تخين حيااااة انتي لحد دلوقتي متعرفيش نوح كويس .. الأحسن لينا احنا الاتنين انك متطلعيش الشيطان اللي جوايا عشان انا اللي فيا مكفيني وشايل كتيييير
حياة بتبصله پخوف وبتبص لايده اللي ماسكها بيها
نوح هو انا لو عايز اخطفك هستني المدة دي كلهااااا واخطفك قبل فرحنا ب٣ ايام
هخطفك واجي بنفسي انقذك
هخطفك واديكي فرصة تشكي فيا
حياة عينيها بتدمع انت بتوجعني علي فكرة
نوح بيفوق وبينزل ايده بسرعة انا آسف ياحياة
بس ڠصب عنك او بمزاجك مش هتخرجي من هنا قبل ماتسمعي الكلمتين دول
انا لما شوفتك هناك عند البيت مصممة انك تمشي ومتقوليش رايحة فين ملحقتش اجيب عربيتي وامشي وراكي طلعت مسكت زينب وضغطت عليها تقولي انتي رايحة فين لحد ما خدت تليفونها ومن حسن الحظ انك اصلا كنتي طالبة اوبر من تليفونها عشان تليفونك كان بيشحن وتفاصيل الرحلة كلها كانت قدامي نزلت جري روحت ع المستشفي وقعدت ادور عليكي ووانا هناك جاتلي الرسالة دي من رقم غريب
طلع الفون وفتح
شات الواتس واداها الفون
لقت ان رقم غريب باعتله رسالة فيها لوكيشن
وبعدها خطيبتك في العنوان لو خاېف عليها وريني سرعتك بقي
نوح مسك ايديها وخرج بيها برا الاوضة .. منطقة واسعة وفاضية مفيهاش غير الاوضة دي
وبعد كام شارع فيه شارع مليان محلات
محل كوتش ومحل نجارة وبنزينة وقهوة وسوبر ماركتات
نوح ولما وصلت وشوفت الاوضة دي واتاكدت اني مش هعرف ادخلك روحت ادور علي اي حد اجيب منه حاجة افتح بيها مكان ادخل منه لأني كان عندي احساس شبه يقين انك جوا
ده اللي حصل عايزة تصدقي صدقي مش عايزة يبقي سوء الظن ده بينك وبين ربنا
بس
انا المهم عندي دلوقتي اعرف مين اللي عمل فيكي كدا اصلا وغرضه ايه
حياة بصاله وبدأت تصدقه ..
سرحت وافتكرت اللي حصل
حياة طب ازاي الشخص ده بعتلك رسالة يقولك تيجي تلحقني وفي نفس الوقت قالي انا هسيبك هنا لبكرا
نوح مين اللي قالك ده
هو انتي شوفتيه
حياة لا مشوفتوش .. انا هحكيلك اللي حصل من ساعة ما جيت بس تعالي الأول نمشي من هنا عشان هو زمانه شايفنا وسامعنا
نوح ازاي يعني نمشي وانتي بتقولي شايفنا وسامعنا انتي بتهزري !!!
حياة طيب تعالي وهحكيلك في الطريق
نوح استني طيب .
سابها وفضل يلف في الاوضة ويدور علي اي حاجة توصله بالشخص ده .. اي دليل اي صورة اي إسم
وطبعا ملقاش اي حاجة توصلهم لاي معلومة فقرروا انهم هيشموا ..
بدأت حياة تتحرك وبتحط ايديها علي دماغها عشان ۏجعاها
قرب منها نوح وسندها ومسكها لحد ما راحوا ركبها العربية ولف الناحية التانية ركب
بعد ساعة
عند البيت
نوح وحياة داخلين من البوابة .. سمعوا صوت زعيق جاي من جوا
حياة ايه ده مين اللي بيزعق !!
نوح تعالي ندخل بسرعة نشوف في ايه
فتحوا الباب الأساسي وداخلين ع الريسبشن .. لقوا جمال واقف بيزعق بصوت عالي
جمال انت ازاي تعمل كدا من غير ما تقولنا !
بيبصوا .. لقوا العيلة كلها واقفة
وزينب واقفة عينيها مدمعة
ومصډومة
ووليد واقف وجنبه هدير اخت معتز اللي كان جوز حياة
حياة هدير !!
خير فيه حاجة ولا ايه
وليد اه فيه
انا اتجوزت هدير .. وجيبتها تعيش معانا هنا في البيت
حياة پصدمة ايه
